MUNDUARI ITZULIA 18 IPUINETAN

  

Izenburuak dioen bezala, liburu hau ipuinez osatuta dago. Baina ipuinez bakarrik ez. Mundu osoko hemezortzi lurraldetako neska-mutilak ezagutzeko aukera ere ematen du.

Non eta nola bizi diren esango digute, eta ondoren bakoitzak ipuin bat kontatuko digu. Hemezortzi  haur, hemezorti lurralde eta hemezortzi ipuin.

Ipuinak kondaira asko kontatzen ditu: ortzadarra nola osatu zen kontatzen du, Ekialdeko horoskopoaren hamabi ikurrak, deabruaren zubiaren istorioa...

Mundu osoko umeen istoriak kontatzen dizkizute eta oso erakargarriak dira.  

Liburua gomendatzen dizuet!

Alaine Agirre

3. eta 4. mailakoak Alaine Agirrre idazlearekin solasaldian izan gara Eskoriatzako Udal Bibliotekan. "Letra txarra daukat, eta zer? eta "Bihotza lo daukat" liburuak irakurri ondoren, bere liburu eta lanari buruz hitzegiteko aukera izan dugu. 

Mila esker Alaine Eskoriatzara etortzeagatik, primeran pasatu dugu zurekin!!

PIJAMA MARRADUNAZ JANTZITAKO MUTIKOA

Kontakizun tragikoa daukagu hemen, bigarren munduko gerraren garaian gertatu baitzen.

Brunok, Berlinen bizi zen bederatzi urteko mutiko bat, ustekabe handia hartu zuen euren etxetik alde egin behar zutela esan ziotenean.

Poloniako tokirik beldurgarriena ezagutuko du Brunok, Auschwitz. Nork dakien zer-nolako bizipenak izango dituen...

Larraitz